viaxes


b.s.o. and basado en feitos reais and eleccións and opositing and self-service love and viaxes10 Out 2016 10:42 p.m.

porto

Cando te queres dar conta xa estás sentada coas mans nos teclado. De nada serve atopar a banda sonora perfecta se non tes as palabras. Hai viaxes que se estiran no tempo coma goma de mascar. O teu reloxo nunca marcará as estacións coa velocidade do calendario da cociña. Ninguén te viu chorando dentro do taxi, xa levabas un mes a desangrarte. De despedida en Porto todos eran rañaceos, agás eu, un galpón que non pode disimular o que é. Non me recoñezo nas fotos, quen usurpou o meu corpo? Por unhas moedas os rapaces saltan da ponte sen medo, pouco lles importa que eu me indigne mentalmente cos turistas. Do Douro emerxen co ímpeto da inxenuidade. Houbo un tempo no que eu tamén era quen de cambiar o ritmo das mareas sen propoñermo. Corróeme a envexa e estou a dous segundos de trepar polas vigas de aceiro. Cando me quero dar conta estou a descalzarme. Ei! Vou saltar. Primeiro a sorpresa, despois a incredulidade. Pero que dis?!! Berran, pero eu non escoito nin razono. Pálpítame o corazón de alegría. Pecho os ollos. conteño a respiración, lánzome e o aire fáime cóxegas por debaixo da camiseta. Afúndome na auga coma un proxectil. Cando me quero dar conta estou a lavar a mans para preparar a ensalada, despeiteada, co pixama xa posto e escoitando a radio. Lavo as gafas, ergo a vista por inercia. Aí a está sorrindo con cariño do outro lado do espello. Chíscame un ollo e botámonos a rir pensando en Borges. A vida sempre se decide nun instante.

eu enténdome and miradas and saudade and self-service love and viaxes23 Out 2014 11:46 p.m.

empirestate

Pasaron case dous meses e esta saudade non se vai do meu peito. Veu comigo de Nova York. Non foi un soño, foi tan real que aínda me treme o corazón. Agora entendo a Lorca e outros tantos. A cidade non te fai máis grande nin máis pequena, as rúas sen nome íspente. Non teño banda sonora daqueles días, había que escoitar polos ollos. Ollos que non deixaban de encherse de cores e formas. Arte, rañaceos e a xente máis amable do planeta. Querer quedar, querer volver, pero con el porque sen el só sinto unha sombra que me asexa en soños. Cruzando a ponte de Brooklyn a antiga vertixe non me deixa avanzar. O sol quentaba coma no Sahara, tiramos fotos pero a frialdade coa me vexo na pantalla da cámara é propia dun cirurxián plástico. O perfeccionismo mata, a miña guerra civil agótame tanto que ás veces vólvome completamente invisible ata desaparecer. No White Horse tomamos un café coa pantasma de Jack Keruac mentres Dylan Thomas ve un partido de béisbol. Como nunha película. Estaba convencida que ao regresar esa sensación desaparecería, a maxia non duraría tanto. Equivoqueime. Pérdome na biblioteca entre temas, poño xeo na planta do pé despois de correr, vexo concertos que non pensaba nesta cidade pequena… Aquí segue. Zeta pregúntame dende os seus tres anos a onde vou despois da nosa clase. Aí está. A mirada de quen está por primeira aos pés do Empire State. Suspiro e sorrío antes de responderlle. Esa mirada coa que eu xa nunca consigo verme, limpa e inocente.

Se souberas o baixiña que son en realidade…

opositing and persoal and viaxes17 Dec 2013 10:10 p.m.
Quizais o futuro estea agardando no Sur
íntimo e persoal and viaxes19 Mai 2013 09:01 p.m.

 

Cada vez que veño a Madrid acabo tendo saudade do futuro que está por vir. E a cidade sempre me rumorea o mesmo mantra:

Paciencia e o mundo aos teus pés.

amor escríbese con H and viaxes20 Xan 2013 10:43 p.m.

Atravesamos Castela como se fosemos 2 estrelas de Hollywood por Califonia adiante. Honeymoon sen darnos conta.

Felices

viaxes26 Set 2011 10:27 p.m.

A pedra escura, fea non ten culpa de ter alma de volcán… Pantasmas en cada esquina. Cemiterios nos que me quedaría a vivir. Luz intensa, escala de grises. Acentos estraños. Palabras no vento da pedra, no chan húmido. Cruzámonos con Mark, con Jekyll, e con Bea; a súa Cat serviunos un scottish breakfast. Dous edredóns, ficar durmidos coma siameses. Three sisters e un loch que é coma un mar. Un vinilo. As personaxes da miña cabeza por fin teñen vida propia, saen dela, estamos no Jazz bar sentados a tomar unhas pintas. A cidade ten alma tranquila, ten alma de vello paciente ao non que xa non lle importunan as inclemencias do tempo. A alma que quero para min.

viaxes03 Set 2011 07:21 p.m.

Próxima estación

amor escríbese con H and espectadora and Sen clasificar and viaxes06 Xuñ 2011 04:27 p.m.

Tremor. Gabeei polo arco do escenario. Alí sentada, invisible. Vinme dende o público e vinme dende o ceo. Desdobrada. Saín correndo e tireime de cabeza no Mediterráneo.

Paredes que tremen. Calor e fóra nubes que non descargan. Ter a nosa illa de espacio e tempo. Adeus pantasmas, adeus…

arroutadas and viaxes18 Mar 2011 11:33 p.m.

Os sobres son os meus amigos. Mesmo algún discurso. Non sei o que pasará coas cámaras

íntimo e persoal and viaxes17 Feb 2011 04:12 p.m.

Fago un trato co espello do ascensor. Escribo liñas invisibles coa man esquerda. Quizais non sexa intuición, quizás só sexa realismo. Realismo máxico que me ten consentida como a unha nena malcriada. Ver máis alá da miña miopía. Mochila ao lombo. E chove, é un sinal. Sorrío, vou levitando en vez de camiñar. Outro sinal. Metro. Chamartín. Ceo un sándwich e póñome paranoica porque hai un tipo que leva un anaco detrás de min, desde que saín do metro. Está na barra e tamén pide un sandwich. Fítame. Non me gusta esa mirada nerviosa e escura que ten. Despístoo. Fago tempo lendo. Cando xa está o tren no andén busco o meu sitio no vagón. Sigo a ler. A iso da unha e media paramos en Zamora. Hai neve e vexo pegadas doutros viaxeiros. Por moito que renegue o frío séntame ben. Quizais noutra vida fun un Chinook.

amor escríbese con H and casualidades and viaxes15 Feb 2011 10:06 p.m.

Non levaba nin media hora alí cando un lóstrego percorreu o meu lombo. O teu olor na miña retina.

eu enténdome and viaxes13 Feb 2011 01:21 p.m.

A última vez que fun a cidade faloume cando volvía no metro a casa. Foi unha profecía que se cumpriu en menos dun ano.

Contarame algún segredo máis esta vez?

viaxes18 Feb 2010 07:58 p.m.

cun pouco de sorte

viaxes27 Xan 2010 10:17 p.m.

de nada serve que me resista á tentación, así que

basado en feitos reais and viaxes14 Xan 2010 11:49 p.m.

pequena escapada. outro pueblo, outras rúas, outras xentes. respirar a Meseta. non pensar(te). non sentir(te). e pasalo ben. confórmome con que a saudade me dea un descanso.

íntimo e persoal and soños and viaxes07 Xan 2010 12:22 a.m.

Imos

Si

Queres?

amor escríbese con H and viaxes06 Mar 2009 05:29 p.m.

a que en Roma non hai unha Lisboa?

amor escríbese con H and saudade and viaxes13 Feb 2009 01:34 a.m.

Imaxina todo o que es. Todo o que viviches. Os límites da túa existencia. Imaxina que non te queres ir… que nunca te quixeches ir… imaxina un golpe de sorte. A casualidade máis grande da túa vida, como esa pregunta do Trivial que che fan e que ti respondes case sen saber como sabes a resposta… sen ter a certeza absoluta. E acertas. E sorpréndeste, vaia, quizais debería facerlle máis caso ao meu corazón…

Irme foi un instante, vale si, veña, voume a Lisboa. E todo o planificado cambiou… a orixe da orixe. Quizais me mentiron e noutra vida eu fun o Tejo, ou un tranvía vello…

Lisboa Lisboa Lisboa… Sempre Lisboa. O centro do meu universo, da miña vida, da miña alma, de todo o que son agora, se cadra tamén do que fun , pero aínda non o sabía, aínda non o sabía. O útero no que vivín nove meses. Alí espertei á vida, rexuvenecín como naquela película… alí onde recuperei a adolescencia perdida… A maxia que transpira a cidade é a miña herdanza. Roubeilla cando regresei… era o noso pacto, a cambio eu deixáballe a miña inocencia, a miña ilusión, as miñas ganas… E ninguén imaxina como me sinto agora…A piques de pagar a miña débeda con ela…

Din que non se pode cambiar o destino de un. Iso din. Pero Lisboa cambiouno ABSOLUTAMENTE todo… Vexamos do que é capaz nuns poucos días.

viaxes05 Ago 2008 04:23 p.m.

 

dscn9125.JPG

I love Barcelona e realmente estiven a piques de non volver.

Páxina seguinte »