soan as badaladas e antes de rematar rebobino e re-vivo. miro cara atrás e vexo unha costa subida ás miñas costas. estamos na montaña rusa. esta é nova. xa teño montado outras veces, mais sempre é distinto. sabes o que vas sentir, non COMO o vas sentir. curvas, baixadas, boca abaixo. adrenalina. matar a vertixe. unha bágoa asómase ao precipicio dos meus ollos. 2006. todos sorrimos. a xente da praza parece que está nun concerto. marabunta. minutos musicais e marchamos. Catuxa e eu subimos a coller cartos e deixar o móbil. no portal de Ro agardan os rapaces, por primeira vez, vestidos de traxe. botellón no piso. subimos para viños. no Correxidor non colle unha alma máis. todos son rapaciñas de 15 en vestido de sisas, como se fosen todas a unha voda, aparentando seguridade cando en realidade están mortas de frío e medo. hainas que van máis normales, con cara de ilusión e sen a falsa pose de femme-fatal. son do colexio.metémonos no Auriense. Catuxa está falando cun rapaz. este é o escritor. achégome. sóname a súa cara ou é que me recorda a alguén? e eu fumada como un chourizo. voulles falar. miña irmá vaise e queda preto observando cun sorriso de orella e quedamos falando. cousas de letras: é guionista Kamikace, sabe do meu blog e eu xa coñecía o del. casualidades. el tense que ir para o patio andaluz e deixamos a conversa para outro momento. seica me coñece por culpa dunha ateniense (que por certo non sei se andaría por alí preto...) que estuda o que eu sempre quixen estudar na cidade dos meus soños, onde todo é posible. alí onde aprendín a facer maxia. e a ela faloulle alguén en clases de min. creo que sei quen é. marchamos en procesión para o Trole. poñen todas as que me gustan: os Chemical, Bloc Party, Moby e moito máis. de alí directos para o K-Oba. salsita e pachangueirada. lánzome a bailar con algún dos da nosa panda e máis dun lle ensino que para que auga pase do está líquido ao sólido non fai falla que haxa 0º. vou ao baño, volvo e o Ucha engánchame para bailar como un furacán. é unha ironía do destino... mira que me gustaba cando estaba en 2º de Bac. encantábame e nunca me fartaba de andar ao rabo del. ao final resultou que el por quen estaba toliño era por Ro, de min nin que existía. non me doeu, despois de todo eu tamén me tería namorado dela. é un ceo. e despois de tantos anos aí estamos os dous bailando como animais en celo. agárrame, cólleme, abrázame. só é atracción. eu xa hai mil anos que non sinto nada por el. e niso queda a couasa. marchamos para o Rock Club. sempre me pasa igual, fíxanse en min cando eu xa me esquezo deles para sempre. esa é a vinganza do meu corazón, se o arrepentimento matase... parelliñas: Ro cun ligue, miña irmá co Josiño. eu pululando, voando soíña e fuxindo de algún tío cachondo que se me achega. só quero estar soa e bailar. Eme na miña cabeza. non sei pero dalgunha maneira estiven bailando con el a traves dos outros. quizais foi iso o único que busquei toda a noite. andan por alí algúns da miña aldea, o Cid e a súa moza, a Psicóloga. e bla, bla, bla. só quero bailar e estar ben. fuxo para o baño e cando volvo xa non atopo o camiño. escuridade e fume. mi madriña..., desta vez paseime tres pueblos! reorientome e chego ata eles. poñen a nova de madonna e vólvome tola. o Cid alucina, a ti quen che ensinou a bailar así? pasan as horas, Catuxa marcha e eu non me entero. cando nos decidimos a marchar. Ro e infórmame de que xa son as once. non me creo ata que saio de alí e a luz choca de frente coa miñas retinas. aínda me deu tempo para ir pola catedral antes de ver a cara de psicópata de miña nai cando entraba en casa...
Chuzame! chúzame -